اسلام آباد۔23نومبر(اے پی پی) د داخله چارو وفاقي وزير محسن نقوي وئيلي دي چې مونږ د اسلام آباد هائي کورټ د حکم پابند يوو، د هېڅ قسمه جلوس، دھرنې او لاريون اجازه وركولې نه شوو۔ د داخله چارو وفاقي وزير د اسلام آباد هائي كورټ امر په رڼا كښې د پي ټي آئي چيئرمېن بېرسټر ګوهر سره تماس نيولے۔ دواړو لارښودو په روانه وضعه تفصيلي خبرې وكړې۔ د داخله وزارت لخوا د جاري شويو تفصيلاتو له مخې وفاقي وزير بېرسټر ګوهر د اسلام آباد هائي كورټ آرډر په اړه خبرولو سره ووئيل مونږ د اسلام آباد هائي كورټ د آرډر پابند يوو ٬ د كوم جلوس ٬ دھرنې يا لاريون اجازه وركولې نه شوو۔ ده بېرسټر ګوهر د بېلاروس د ولسمشر په مشرۍ كښې د اعلی كچې پلاوي دورې او 24 نومبر څخه تر 27 نومبر مصروفياتو او تفصيلاتو په اړه هم خبر كړو۔ ده ووئيل د بېلاروس د لوړې كچې پلاوې په 24 نومبر او ولسمشر په 25 نومبر پاكستان ته رارسي۔ وفاقی وزیر ووئيل د بېلاروس پلاوې به تر 27 نومبر په اسلام آباد كښې وي۔ بېرسټر ګوهر ووئيل ګوند سره مشاورت څخه وروستو به وفاقي وزير د خپلې حتمي رايې په اړه خبر كړم۔
د اسلام آباد هائي کورټ د امر پابند يوو، د هيڅ قسمه جلوس، دھرنې او لاريون اجازه وركولې نه شوو۔ د داخله چارو وفاقي وزير بيرسټر ګوهر سره خبرې
مضمون کا ماخذ : resultados loteria São Paulo
متعلقہ مضامین
