صوابی۔ 26 اگست (اے پی پی) وزیراعظم عمران خان آکھیا جو قوم اتے کشمیریاں نال وعدہ اے جو جڈاں تئیں کشمیر آزاد نی تھیندا دنیا دے ہر فورم تے انہاں دا کیس لڑساں،مخالفین آکھدن جو عمران خان وڈے یوٹرن گھندن،مخالفین ڈیکھ گھنن یوٹرن گھندے گھندے میں وزیراعظم بنڑیا اتے او اج جیل اچ ہن،مقصد سانگے سمجھوتہ کرینداںمقصد تے سمجھوتہ نی کریندا،مخالفین کوں این آر او کائنا ملسی،ملک تے تھوڑا اوکھا ویلھا اے پر اے وی نکل ویسی،اساڈے رول ماڈل حضور اکرمہن جنہاں دا کوئی ثانی کائنی،تعلیم اجوکی حکومت دی ترجیح اے،تعلیمی معیار تے سمجھوتہ نی تھیونڑاں چاہیدا،چنگے تعلیمی ادارے کڈاہیں معیار نی ڈھنڑ ڈیندے،معاشرہ اچ استادیں اتے سکالرز دا احترام بحال کریسوں۔اے گالھیںانہاں سنوارکوں غلام اسحاق خان انسٹی ٹیوٹ ٹوپی اچ نویں اکیڈمک بلاک دی افتتاحی تقریب نال خطاب کریندیں ہوئیں آکھی۔انہاں آکھیا جو قائد اعظم محمد علی جناح ہندواں دی آر ایس ایس آئیڈیالوجی کوں سمجھ گھدا ہئی کیونجو انہاں کوں پتہ ہئی جو ہندو مسلماناں کوں ڈوجھے درجے دا شہری سمجھدن۔انہاں آکھیا جو ہر انسان کوں اللہ سئیں صلاحیتاں نال مالا مال کیتے پر انہاں کوں اے پتہ کائنی ہوندا،وڈی سوچ نال ای انسان وڈا بنڑدے،تاریخ انہاں لوکاں کوں یاد رکھیندی اے جیڑھے انسانیت دی خدمت کریندن،انہاں آکھیا جو جو قوم اتے کشمیریاں نال وعدہ اے جو جڈاں تئیں کشمیر آزاد نی تھیندا دنیا دے ہر فورم تے انہاں دا کیس لڑساں۔
وزیراعظم عمران خان دا غلام اسحاق خان انسٹی ٹیوٹ ٹوپی اچ نویں اکیڈمک بلاک دی افتتاحی تقریب نال خطاب
مضمون کا ماخذ : میگا ملینز کے نتائج
متعلقہ مضامین
