بغداد 05 جون (اے پي پي) خارجه وزير بلاول بھټوزرداري وئيلي دي چې زما دوره به د عراق او پاكستان ترمېنځه په شريكه مرسته كښې لا اضافه وكړي، دواړو هېوادونو تل په سخت وخت كښې د يو بل ملګرتيا كړې ده۔ د دې خيالاتو څرګندونه ده د ګل په ورځ د عراق درې ورځنۍ سركاري دورې په موقع په بغداد كښې د عراق خپل همڅنګ ډاکټر فواد حسېن سره د ګډې خبري كنفرنس ته خپلې وېنا كښې وكړه۔ ده ووئيل د عراق په دوره كولو ډېر خوشحاله شوې يم٬ د پاكستان نه د زيارت كوٶنكو يوه لويه شمېره هر كال عراق ته راځي۔ خارجه وزير بلاول بھټو زرداري د عراق صدر ډاکټر عبداللطيف رشيد سره هم ملاقات كړې٬ په ملاقات كښې د دواړو هېوادونو تمرېنځه په موجوده اړيكو د اطمينان څرګندونه شوې۔ خارجه وزير بلاول بھټو زرداري او د عراق صدر د شركې مرستې په ټولو څانګو كښې په ګډه كار كولو له سلا كړې۔ په دې موقع خارجه وزير ووئيل پاکستان او د عراق ترمېنځه په احترام او رواياتو آډانه ژورې د ورورولۍ اړيكې دي۔ بلاول بھټو زرداري د عراق وزيراعظم محمد شياع السوداني سره په ملاقات كښې د پاکستان لخوا د عراق اولس او حكومت لپاره د نېكو هيلو څرګندونه كړې۔ خارجه وزير په ملاقات كښې د پاکستان لخوا عراق سره په بېلو څانګو كښې مرستې له د لا عزم كولو پخلے كړې۔ده د عراق وزيراعظم سره په ملاقات كښې د دواړو هېوادونو ترېنځه د ورورولۍ اړيكو لا قوي كولو لپاره د عزم پخلې وكړو۔ د دې نه وړاندې خارجه وزير بلاول بھټو زرداري د بغداد كښې د عراق خپل همڅنګ ډاکټر فواد حسېن ملاقات كړې۔ خارجه وزير د ملاقات په مهال ووئيل چې پاکستان او د عراق ترمېنځه د دوستۍ او ورورولۍ ژورې اړيكې دي٬ د دواړو خارجه وزيرانو ترمېنځه په ملاقات كښې د پاکستان او عراق ترمېنځه د سفارتي اړيكو پسمول په بېلو اړخونو د خيالاتو څرګندونه شوې٬ په ملاقات كښې د پاکستان او عراق ترمېنځه د اړيكو په لا مستحكم كولو سلا شوې۔ بلاول بھټو زرداري د عراق سرکاري دورې په مهال د پاکستان او عراق ترمېنځه د روغې جوړې په دوه يادښتونو لاسليك هم شوې٬ د دواړو هېوادونو كلتوري مرسته زياتولو لپاره په تفاهم يادښتونه هم شوې٬ د دې نه علاوه سفارتي او سرکاري پاسپورټ ويزو خاتمې لپاره هم د تفاهم په يادښت لاسليك شوې۔ د پلاويو په كچه د خبرو په مهال دواړو خارجه وزيرانو د مرستې په بېلو څانګو كښې د دوه اړخيزه اړيكو لا كولو لپاره اتفاق كړې۔ د دې نه وراندې خارجه وزير بلاول بھټو زرداري د عراق درې ورځنۍ سركاري دورې په مهال بغداد ته رسېدلې او په هوائي مېدان د عراق نائب خارجه وزير پشمول د عراق چارواكو او پاكستاني سفير احمد امجد علي سره سره د سفارت عملے د دوي تود هركلے كړې۔ د يادونې وړ ده چې خارجه وزير بلاول بھټو زرداري ته د عراق دورې بلنه نائب وزيراعظم او خارجه وزير ډاکټر فواد حسېن وركړې ده۔
پاکستان او عراق تل په سخت وخت كښې د يو بل ملګرتيا كړې۔ د خارجه وزير بلاول بھټو زرداري د عراق خپل همڅنګ سره د ګډې خبري كنفرنس ته وېنا
مضمون کا ماخذ : میگا ملینز لاٹری
متعلقہ مضامین
