اسلام آباد۔18جون (اے پی پی):وفاقی وزیر توانائی حماد اظہر آکھیے جو حکومت ڈھانچہ جاتی اصلاحات تے عمل کریندی پئی اے ، اصلاحات دے تحت خام مال تے 100 ارب روپے تئیں دیاں رعایتاں ݙتیاں ڳئن ، ایکسچینج ریٹ کوں مارکیٹ دی بنیاد تے استوار کیتا ڳئے ۔ سمگلنگ کوں مکایا ڳئے ، سماجی تحفظ دے دائرہ کار اچ توسیع کیتی ڳئی ، صحت انصاف کارڈ ہݨ پنجاب اچ ݙتا ویندا پئے ، حکومت برآمدات تے مبنی بڑھوتری تے عمل پیرا اے ، اساݙیاں صنعتاں ترقی کریندیاں پئن، انگریزی ٻولݨ توں کرپشن دے داغ نہ دھویسن ، موجود حکومت 22 سال دی جدوجہد دے بعد آئی اے، اساݙی شہرت ݙاہ فیصد تے 20فیصد دی بنیاد تے نی بلکہ کارکردگی اتے ہے ۔ جمعے کوں قومی اسمبلی اچ پاکستان پیپلز پارٹی دے چیئرمین بلاول بھٹو زرداری دی بجٹ تقریراچ چاتے ڳئے نکتے دا جواب ݙیندے ہوئیں حماد اظہر آکھیے جو موجودہ حکومت 22 سال دی جدوجہد دے بعد آئی اے۔ اساݙی شہرت ݙاہ تے ویھ فیصد دی بنیاد تے کائنی ۔قائد حزب اختلاف دی نشست توں شیریں مزاری بارے جیڑھے ریمارکس آئے اوریکارڈ دا حصہ ہن تے اینتے تے معافی نی منگی ڳئی ۔
حکومت ڈھانچہ جاتی اصلاحات تے عمل کریندی پئی اے ،وفاقی وزیر توانائی حماد اظہر
مضمون کا ماخذ : jogos de azar no Brasil
متعلقہ مضامین
