اسلام آباد۔15جولائی (اے پی پی):گزریل 24 گھنٹے اچ کورونا وائرس پاروں سندھ دے بعد پنجاب اچ ساریں توں ودھ اموات ریکارڈ کیتیاں ڳئن ۔ پورے ملک اچ چووی گھنٹے دے دوران کورونا وائرس توں 47 اموات تھئن جنہاں اچوں 27 اموات وینٹیلیٹرز تے موجود مریضاں دیاں تھئن ۔نیشنل کمانڈ اینڈ آپریشن سینٹر ولوں جاری اعدادو شمار موجب گزریل 24 گھنٹے اچ پورے ملک اچ 2 ہزار 545 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال ملتان اچ 15 فیصد، پشاور اچ 13 فیصد،لاہور 18 فیصد اتے اسلام آباد اچ 24 فیصد مریض ہن۔۔ گزریل چووی گھنٹے اچ کووڈ۔19 دے 48 ہزار 910 ٹیسٹ کیتے ڳئن جناہں اچوں سندھ اچ 16 ہزار 528، پنجاب اچ 17 ہزار 325، خیبرپختونخوا اچ 9 ہزار 915،اسلام آباد اچ 2 ہزار 43، بلوچستان اچ 1 ہزار 592،گلگت بلتستان اچ 721، آزاد کشمیر اچ 786 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 9 لکھ 16 ہزار 373 تھی ڳئی اے ۔
کورونا وائرس دے2545 کیس،47 اموات رپورٹ ، این سی او سی
مضمون کا ماخذ : کینڈی کیش
متعلقہ مضامین
