اسلام آباد۔24اگست (اے پی پی):وزیر مملکت اطلاعات و نشریات فرخ حبیب آکھیے جو کامیاب جوان پروگرام دے ذریعے نینگراں کوں روزگار ݙیوݨ دا عمل جاری اے ،قرضہ گھنݨ آلے نینگراں دی تعداد اچ ودھارا تھئے ،وزیراعظم عمران خان نینگراں کوں بااختیار اتے باعزت روزگار ݙیوݨ سانگے کوشاں ہن ،پورے ملک اچ کامیاب جوان پروگرام دے ذریعے قرضیں دی ونڈ دا عمل تکھا کرݙتے ۔ وزیر مملکت اطلاعات و نشریات فرخ حبیب آپݨے ٹویٹ اچ آکھیے جو 18 ہزار نینگراں اچ 22 ارب روپے توں ودھ دی رقم ݙتی ڳئی اے نجی بینکاں کوں قرضے دی ونڈ اچ آندیاں رکاوٹاں کوں وختی مکاوݨ دا ٹاسک ݙتے ، حکومتی سطح تے منصوبے دی شفافیت اتے میرٹ دی نگرانی کریندے پیوں ۔ انہاں آکھیے جو کامیاب جوان پروگرام نینگراں کوں روزگار ݙیوݨ دا ساریں توں وݙا حکومتی منصوبہ بݨ چکیے ۔
مضمون کا ماخذ : como jogar dupla sena
