اسلام آباد۔11مئی (اے پی پی) قومی اسمبلی کوں یقین ݙوایا ڳیا جو سندھ سودھے ملک اچ پاݨی دی ڳھٹکی دے مسئلے تے قومی اسمبلی اچ متعلقہ وزیر اڄ خمیس کوں تفصیلی بیان ݙیسن۔ بدھ کوں قومی اسمبلی اچ نکتہ اعتراض تے جی ڈی اے دے غوث بخش مہر آکھیا جو سندھ کوں پاݨی دی ڳھٹکی دا سامݨا اے۔ زناوراں تئیں کوں پاݨی نی ملدا۔ وفاقی وزیر سید نوید قمر آکھیا جو ملک اچ پاݨی دی ڳھٹکی پنڄاہ فیصد توں ودھ تھی ڳئی اے۔ سندھ دے تلویں علاقے ایں صورتحال توں شدید متاثر ہن۔ آبی وسائل دے وفاقی وزیر اے ساری صورتحال ݙیکھدے پئن۔ شیخ فیاض الدین آکھیا جو سندھ اچ پاݨی دی شدید قلت اے، ہݨ تئیں اساݙے 20 ہزار زناور ہلاک تھی ڳئن۔ ایں مسئلے تے ایوان اچ بحث کرائی ونڄے۔
مضمون کا ماخذ : را کی کتاب
